22. సహజ వైష్ణవాచారవర్తనుల

ప : సహజ వైష్ణవాచారవర్తనుల
సహవాసమే మాసంధ్య

చ : అతిశయముగ శ్రీహరి సంకీర్తన
సతతంబును మాసంధ్య
మతి రామానుజమతమే మాకును
చతురత మెరసిన సంధ్య

చ : పరమభాగవత పదసేవనయే
సరవి నెన్న మాసంధ్య
సిరివరు మహిమలు చెలువొందగ వే

సరక వినుటె మాసంధ్య

చ : మంతుకెక్క తిరుమంత్ర పఠనమే
సంతతమును మాసంధ్య
కంతుగురుడు వేంకటగిరిరాయని
సంతర్పణమే మాసంధ్య

Listen To Audio

సహజ వైష్ణవాచారవర్తనుల

21. కదిరి నృసింహుడు కంభమున...

ప : కదిరి నృసింహుడు కంభమున వెడలే

విదితముగా సేవించరో మునులు

చ : ఫాలలోచనము భయదోగ్ర ముఖము

జ్వాలామయ కేశరములునూ

కాలరౌద్ర సంఘటిత దంతములు

హేలాగతి ధరియించుక నిలిచే

చ : ముడివడు బొమ్మలు ముంచిన ఊర్పులు

గడగడ నదరెడి కటములునూ

నిడుత నాలుకయు నిక్కు కర్ణములు

నడియాలపు రూపై వెలసే

చ : సకలాయుధములు సహస్ర భుజములు

వికట నఖంబులు వెసబూనీ

వెకలియగుచు శ్రీవేంకటేశ్వరుడు

ప్రకటపు దుష్టుల భంజించేనిదివో

Listen To Audio

కదిరి నృసింహుడు కంభమున...

20. మేలుకొనవే నీలమేఘవర్ణుడా

ప : మేలుకొనవే నీలమేఘవర్ణుడా

వేళ తప్పకుండాను శ్రీవేంకటేశుడా

చ : మంచముపై నిద్రదేర మల్లెల వేసేరు

ముంచి తుఱుము ముడువ మొల్లల వేసేరు

కంచము పొద్దారగించ కలువల వేసేరు

పింఛపు చిక్కుదేర సంపెంగల వేసేరు

చ : కలసిన కాకదేర గన్నేరుల వేసేరు

వలపులు రేగీ విరజాజుల వేసేరు

చలువగా వాడుదేర జాజుల వేసేరు

పులకించ గురువింద పూవుల వేసేరు

చ : తమిరేగ గోపికలు తామరల వేసేరు

చెమటార మంచి తులసిని వేసేరు

అమర శ్రీవేంకటేశ అలమేలుమంగ నీకు

మమతల పన్నీటి చేమంతుల వేసేరు

Listen to Audio

మేలుకొనవే నీలమేఘవర్ణుడా

19. ఏదాయనేమి హరి ఇచ్చిన

ప : ఏదాయనేమి హరి ఇచ్చిన జన్మమే చాలు

ఆదినారాయణుడీ అఖిల రక్షకుండు

చ : శునకము బతుకును సుఖమయ్యే తోచుకాని

తనకది హీనమని తలచుకోదు

మనసొడబడితేను మంచిదేమి కానిదేమి

తనువులో అంతరాత్మ దైవమగుట తప్పదు

చ : పుఱువుకుండే నెలవు భువనేశ్వరమైతోచు

పెరచోటి గుంటయైన ప్రియమైయుండు

ఇరవై వుండితే చాలు ఎగువేమి దిగువేమి

వరుస లోకములు సర్వం విష్ణుమయము

చ : అచ్చమైన ఙ్ఞానికి అంతా వైకుంఠమే

చెచ్చర తనతిమ్మటే జీవన్ముక్తి

కచ్చుపెట్టి శ్రీవేంకటపతికీ దాసుడైతే

హెచ్చుకుందేమిలేదు ఏలినవాడితడే

Listen to audio

ఏదాయనేమి హరి ఇచ్చిన

18. శోధించిరిదియే సురలును...

ప : శోధించిరిదియే సురలును మునులును
ఆదికి అనాది హరినామం

చ : అరిది వేదశాస్త్రార్ధ సంగ్రహము
అరయగ నొకటే హరినామం
దురితహరము భవదుఖః నాశనము
అరిభయంకరము హరినామం

చ : సకల పుణ్యఫల సారవిహారము
అకలంకము శ్రీ హరినామం
ప్రకటము సులభము పరమ పావనము
అకుటిలమిది శ్రీ హరినామం

చ : కందువ సదరము కైవల్యపదము
అందరికిదియే హరినామం
ఎందును శ్రీవేంకటేశ్వరు కరుణకు
అందుకోలైన హరినామం

Listen to Audio

శోధించిరిదియే సురలును...

17. సేవే భావే శ్రీ బృందం

ప : సేవే భావే శ్రీ బృందం
శ్రీవల్లభ చింతానందం

చ : పటుకుతర్కనక భంజనదీక్షం
కుటిల దురితహర గుణదక్షం
ఘటిత మహాఫల కల్పకవృక్షం
చటుల రామానుజ శమదమవీక్షం

చ : కృద్ధమృషామత కుంఠనకుంతం
భౌద్ధాంధకార భాస్వంతం
శుద్ధచేదమణి సుశరస్వంతం
సిద్ధాంతీకృత చిన్మయకాంతం

చ : చార్వాకగహన ఛంఢకుఠారం
సర్వాపశాస్త్ర శతధారం
నిర్వికారగుణ నిబిడ శ్రీవేంకట
ఉర్వీధర సంయోగ గభీరం

Listen to Audio

సేవే భావే శ్రీ బృందం